خاص – فرات بوست
من الواقع :
يقعد الواحد بينا الساعة 4ونص الصبح مشان يروح يوقف عالدور على مركز توزيع خبز الهلال إذا چان بي مازوت والفرن شغال والتوزيع ماشي نظامي ، بدك شي ساعة مشان تحصل ربطة سبع رغفان لا بين ما يخلصون جماعة صفطات الخبز [ للبيع أو التيبيس و الحرق بالواوي ] وتتعبى عيونهم الفاضية خبز؟ ترجع عالبيت تستنى لابين ما يفتح الوادي الساعة 6ونص أو 7 مشان تنزل تجيب حطب و ورق چاي وكيس زعتر للفطور ، الحطب 3 كيلوات بـ الف تكفيك تعمل چاي للفطور وغدا خفيف و چاي للعشا إذا عرفت شلون تقتصد بيه ، ورق ال چاي إذا جاب 100غ بـ 1200 تكفيه اسبوع و أهم شي يقتصد بيه.
الزعتر إذا لقى دهني 400غ بـ 2000 و ما چانوا ذيابة الوادي مغبينه مشان يرفعون سعره يكون حظه حلو ﻻنه يطلعه شغلة 4 أيام او 5 مع مراعاة الاقتصاد وعدم التبذير ، وإذا ما لقى بده يجيب كيس زغير أبو الـ 40 غ بـ 350 لوجبة واحدة فقط.. الفطور تأمن في حال چان الهلال موزع زيت وسكر ولسه بي توالي منه بالبيت و إذا چانت خلصانة من عنده بالبيت بده يلغف حاله عالوادي يتناوش نص كيلو زيت بـ1500 ونص كيلو سكر بـ 1400 لا بين ما الله يفرجها وينجح اسقاط الزيت والسكر تبع الهلال!
خلص هم الفطور ، الجو حار الحرارة قام تصل الظهر للـ 50 بدك مي بارد تشربه ، الساعة 1 الظهر أغلب المحلات الـ تبيع مي بارد يطلع ميـها بهالوقت تناوش هالطرمز 6 لتر وجيب 6 لتر بـ 200 وبطريقك تناوش توابل من الوادي مشان الغدا ( رز أو برغل أو عدس مجدرة أو شوربة عدس من خيرات الهلال ) وإذا بدك تدلل حالك تناوش كيلوين ملوخية صار الكيلو بـ 800 × 2 = 1600 ، أو تقدر تجيب نص كيلو كوسا مع كيس دبس بندورة دلتا 100 غ أبو الطبخة الواحدة بـ 500 تعمل مسقعة جنبها صحن رز ، الكوسا من نزلت محافظة على سعرها 1300 تقول انها دولار مو هيچذ؟ ! ولسه بي عندك البطاطا بـ 2500 والبيذنجان 1500 ، بكيفك شكون مشتهي؟ الخيارات مفتوحة قدامك كيلو الخيارات والبندورات بـ 1600 .
خلص هم الغدا..
وخلص شحن الموبايل؟
عندك خيارين :
1- تاخذها ع محل شحن وتحطلك 400 ورقة يومي يعني 12 ألف شهري و يا تشحن يا ما تشحن… أو..
2- تشترك بالأمبيرات كل أمبير بـ 3500 أسبوعي ساعتين باليوم تشحن وتتفرج عالتلفزيون حتين ، هاي إذا ما عطلت مولدة أبو الأمبيرات أو كل حاز فصل عليك يقلك محمل.. خفّف. .. ؟ هيچذ شهري 14 ألف.. انت بكيفك اختار حسب امكانياتك ؛ تحط راسك وتنام بعد الأمبيرات وانت تتشاهد إنه خلص يومك بأقل الخسائر و أهم شي ما يكون نزل يمكم قذايف لا سمح الله لأنه كل جدولك راح يتخربط.
هذا اليوم الـ ما يكون بيه ضخ مي ، يوم المي يختلف لأنه عندك خيارين :
– إما تنتع سطول ودمجانات إلا تدوخ وتتكسر رجلينك وإذا چنت سيكن بطابق بدك تكون ذيب مشان تحصل دور بمدخل بنايتك مشان ما تاكلك الذيابه و تطل بدون مي.. !
– أو إذا ما جنت تقدر تنتع وچان بيتك طابق 3 أو 4 بدك تضطر تسحب خط كهربا مشان تشغل مطور المـي الساعة بـ ألف و انت وحظك إذا جانت المي قوية تعبي كفايتك عن أربع أيام موعد كل ضخة و إذا ضعيفة و تجلط وهذا الأغلب ، بدك يا تسحب ساعتين بـ 2000 أو تكمل بعد الساعة يدوي..
لهون خلص الحكي والله وحده المستعان ….